نصائح لكتابة مشروع التخرج من المهندس خالد الأسعد – الجامعات النرويجية
أكتوبر 11, 2023 2023-10-11 17:31نصائح لكتابة مشروع التخرج من المهندس خالد الأسعد – الجامعات النرويجية
المقال تمت كتابته من قبل المهندس خالد الأسعد
*************
مرااحب جميعاً .
حبيت اكتب منشور خفيف لطلاب الجامعات (Bachelor) يلي رح يكتبوا مشروع التخرج هالسنة . رح اكتفي بكتابة رؤوس أقلام لحتى ما يكون المنشور ممل وأتمنى انو انتوا تتابعوا بحث واطلاع .
–أول شي لازم نعرف انو فينا نكتب مشروع التخرج إما عن طريق انو ناخد شي موضوع من الجامعة , أو نتعاون مع شركة/منظمة ما للحصول على مشروع تخرج من عندهن , وهاد الشي بأمنلنا فرصة عمل بها الشركة يلي رح نتعاون معها ازا شتغلنا صح , وهي فرصة حلوة , طبعا لازم نبلش من شهر 9 او 10 نتواصل مع الشركات/المنظمات للحصول على تعاون في كتابة مشروع تخرج . طبعا في الغالب يتم تسليم الـ forprosjekt (عنوان وتفاصيل مشروع التخرج) للمشروع بشهر 11 او 12 .
–شي مهم جدا لازم نركز عليه وهو القراءة , القراءة , القراءة والبحث والبحث .
يعني لازم نقرأ مشاريع تخرج سابقة , لازم نقرا مقالات ومواضيع متعلقة بالموضوع يلي رح نكتب عنو , وجبتلكم بعض الأرشيفات يلي فيها مشاريع الطلبة كلها , من الجامعات النرويجية لحتى تستفيدو :
NTNU : https://bit.ly/3LYBOvE
UIT : https://bit.ly/3tqOw02
UIO : https://bit.ly/3rLSy2m
VID : https://bit.ly/3Fi5akQ
OsloMet : https://bit.ly/3QmSiAF
–ايضا لازم ننتبه على بعض النقاط التفصيلية المهمة , مثلاً الــ Maler الخاصة بالغلاف تبع المشروع , الفهرس , نوع الخط , حجم الخط , نوع الرفرانسة يلي لازم نستخدمه … الخ وهي التفاصيل كلها موجودة بموقع الجامعة بالصفحة الخاصة بــ (Skrive og levere bacheloroppgave) .
–التواصل الدائم مع الشخص المسؤول عنا في كتابة المشروع والتعرف عليه بشكل جيد , والحصول على ملاحظات منو بشكل متواصل .
–أخيراً وليس آخراً , اللغة , وهي المعضلة الاكبر , كتير من الجامعات بتوفر مساعدة للكتابة الأكاديمية في كتابة المشاريع , أنصح تسألوا الأساتذة تبعكن عن هالموضوع قبل بوقت من البداية بكتابة المشروع .
بتمنى أني ماكون نسيت شي , وأنوا المنشور كان واضح ودقيق وغير مملّ .
بالتوفيق للجميع 
انتوا قدها 
