خطوات تعديل الشهادات الصحية من خارج الاتحاد الأوروبي في النرويج
سبتمبر 17, 2023 2023-09-17 20:03خطوات تعديل الشهادات الصحية من خارج الاتحاد الأوروبي في النرويج
-مسا الخير طلابنا الأعزاء!
كونوا تكررت الاسئلة فيما يخص بعض الافرع الجامعية يلي تم دراستها خارج النرويج وباعتبار كتير من الطلاب تخرجوا قبل ما يجوا عهل بلد فحبيت وضح بعض النقاط بهل منشور لحتى توضح الفكرة لجميع الطلبة!
بالبداية الطلاب يلي دارسين احد هل افرع ب دولة من خارج الاتحاد الاوروبي ممكن يتبعوا هل طريق.
تمريض، مهندس حيوي، معالج فيزيائي، صيدلي، مساعد صيدلي، طب اسنان وطب بشري وبعض الافرع التانية يلي كلها موجود بالرابط 
.
.– بالبداية والمتعارف عليه انو الطالب بيبعت الاوراق لحتى يتم الموافقة عليه من الدائرة المسؤولة عن تعديل ومصادقة الشهادات بالنرويج يلي كانت قديما Nokut وحاليا صار اسمها: hk-dir /وزارة التعليم العالي.
-المهم بعد ما يقدم الطالب اوراقوا ل هل جهة. لازم يقدم اوراقوا ايضا ل وزارة الصحة لحتى يحصل على ترخيص وخاصة الافرع الصحية.
-الاشخاص يلي بيبعتوا اوراقهم للحصول على ترخيص بيجيهم واحد من هل جوابين الاول بينص على انو التعليم تبعهم متناسب مع التعليم بالنروج :
Utdanning er jevngod med tilsvarende utdanning fra
Norge)
هون رح يكون عندهم خطوات معينة يقوموا فيها كما مذكورة بالرابط:
– يحقق شروط اللغة بمستوى B2 بالنرويجي
– يتقدم لامتحان Nasjonal fag kurs
– يتقدم لامتحان legemiddelhåndtering وهاد طبعا فقط ل الممرضين، طب بشري، طب اسنان وصيدلة.
– يتقدم لامتحان Fagprøve وهذا بيخص الممرض ومساعد الممرض وطب الاسنان والطب البشري.
– بعد تحقيق كل هل شروط بالرابط بيقدر الشخص انو يحصل على ترخيص مزاولة المهنة في النرويج .
–
-الخطوة التانية يلي بتتعلق بالطلاب يلي ما اجاهم هيك جواب من وزارة الصحة وعلى العكس اجاهم جواب انو تعليمهم ما بيتناسب مع التعليم العالي بالنروج وطبعا هدول بعضهم خريج إحدى الدول العربية على سبيل المثال سوريا او العراق او بعض الدول في اسيا على سبيل المثال فيليبين. والجواب حيكون
Utdanning vurdert som ikke jevngod
– بهل حالة هي رح يجي ايضا بالجواب توضيح اكتر ويخبروا الطالب في شو المواد والاجراءات يلي ممكن يقوم فيها مقدم الطلب لحتى يستطيع انو ياخد ترخيص للعمل في النرويج.
– وهون تكمن النقطة الأهم وهي انو الطالب عندوا امكانية انو ياخد ترخيص بعد الحصول على جواب وزارة الصحة من خلال تحقيق الشروط واخذ المواد الناقصة يلي بيتم تقديمها عن طريق برنامج بتقدموا بعض الجامعات لهي الفئة بالتحديد متل جامعة Oslomet. بس هاد للاسف ما بيخص كل الافرع وإنما بعض الافرع مثل التمريض والهندسة البيولوجية وايضا فرع التعليم والهندسة.
– البرنامج هو عبارة عن شي تكميلي بيساعد الطالب على اعادة تأهيلوا من جديد للحصول على ترخيص والعمل بهل بلد.
– البرامج المقدمة لبعض الافرع منها:
– Kompletterende utdanning for sykepleiere
– يجب التقديم على ترخيص من وزارة الصحة بالبداية وكذلك الامر بكل الافرع الصحية!
– Kompletterende utdanning for bioingeniør
– Kompletterende utdanning for lærere
– طبعا الاستاذ لازم يكون مقدم على ترخيص من قبل وزارة التعليم العالي بلاول وحاصل على جواب بغض النظر سواء ايجابي او سلبي لان لازم يرفق الجواب تبعهم بالطلب وقت يقدم على مقعد بجامعة اوسلو مت.
– Kompletterende utdanning for ingeniøg og teknologiutvikling.
– طبعا الاشخاص من خلفية مهاجرة ولاجئين رح يعطوهم الاولوية!
– الرابط: https://bit.ly/3Plb9u6
– اما بالنسبة للافرع المتبقية على سبيل المثال طب الاسنان الخطوات موجودة بالرابط تبع وزارة الصحة:
وهون طبعا الامتحانات على سبيل المثال fagprøve يلي رح يتقدملها الطالب مكلفة. ننصح بلاطلاع على المعلومات الموجودة في الرابط.
بالنسبة ل خريجين طب الاسنان في بروغرام خاص فيهم مدتوا سنة ونص بيساعدهم انو يخلصوا المتطلبات ويحصلوا على ترخيص موجود ب جامعة برغن وبعتقد المقاعد محدودة عندهم.
رابط البرنامج والمعلومات كاملة :
– ازا عندكن اي استفسار تواصل مع منظمة الطالب السوري على بريد الصفحة
.
